Escena Galega consolídase como a asociación sectorial máis aglutinante a nivel estatal coa incorporación de catro novas compañías asociadas
Laboratorio Escénico Coop, Olivas Negras, Pedras de Cartón e Pérez & Fernández son, dende a última Asamblea Xeral Extraordinaria, empresas asociadas á entidade sectorial
Escena Galega consolídase como a asociación sectorial de empresas escénicas máis aglutinadora a nivel estatal. Tras a incorporación de catro novas empresas coa unanimidade da útlima Asamblea Xeral Extraordinaria, a entidade suma xa un total de 48 produtoras socias.
A viguesa Olivas Negras e as coruñesas Laboratorio Escénico Coop, Pedras de Cartón e Pérez&Fernández sumánse como empresas socias de Escena Galega, reafirmando o peso da entidade a nivel sectorial. A Asociación abrangue a unha enorme porcentaxe do sector escénico profesional galego, compoñendo un conxunto de estruturas de produción e creación de moi diversas tipoloxías a nivel profesional, nos eidos do teatro para a infancia e a mocidade, teatro para público adulto, monicreques, danza e artes do movemento e novo circo.
Toda a información das novas socias está xa cargada nas fichas da nosa web. Pódense revisar aquí... Benvidas!