• Teatro do Atlántico, Teatro do Noroeste e Teatro do Morcego, novas socias de honra de Escena Galega

    Teatro do Atlántico, Teatro do Noroeste e Teatro do Morcego, novas socias de honra de Escena Galega

    Saber +

  • Arrinca a programación do 1º semestre de 2020 na Rede Galega de Teatros e Auditorios

    Arrinca a programación do 1º semestre de 2020 na Rede Galega de Teatros e Auditorios

    Saber +

  • Así foi a xuntanza en Tui sobre circulación escénica transfronteiriza Galicia-Norte de Portugal

    Así foi a xuntanza en Tui sobre circulación escénica transfronteiriza Galicia-Norte de Portugal

    Saber +

  • O Consello da Cultura Galega publica o informe sobre a situación das traballadoras do sector audiovisual e escénico impulsado pola AAAG, AGA, Escena Galega e a Mostra de Cangas

    O Consello da Cultura Galega publica o informe sobre a situación das traballadoras do sector audiovisual e escénico impulsado pola AAAG, AGA, Escena Galega e a Mostra de Cangas

    Saber +

Escena Galega

ESCENA GALEGA é a asociación de referencia para o sector profesional das artes escénicas en Galicia, creada en marzo de 2002 por  iniciativa de 16 compañías de teatro. Actualmente está formada por 33 compañías e empresas produtoras, como resultado dun proceso de confluencia e cohesión iniciado en 2015 para reforzar o posicionamento da asociación como interlocutora coas institucións e demais axentes do medio e para impulsar o desenvolvemento empresarial de cara á modernización do sector, sen perder a identidade das compañías como motores creativos das artes escénicas galegas.

Somos un colectivo comprometido coa defensa da cultura e da lingua como ben común, disposto a construír un futuro socialmente mellor vertebrado. ESCENA GALEGA trata de aportar ferramentas para mellorar a capacitación profesional das empresas asociadas, provocar a sinerxia con outros axentes do sector, actúar como interlocutora diante das institucións e buscar a conexión con asociacións afins doutros territorios.

Teatro do Atlántico, Teatro do Noroeste e Teatro do Morcego, novas socias de honra de Escena Galega

Teatro do Atlántico, Teatro do Noroeste e Teatro do Morcego, novas socias de honra de Escena Galega

Escena Galega vén de facer un recoñecemento á traxectoria de Teatro do Atlántico, Teatro do Noroeste e Teatro do Morcego, tras a primeira Asamblea Xeral do ano cos asociados. 

 No acto de homenaxe, que tivo lugar o mércores 5 de febreiro, quíxose recoñecer a indubidable traxectoria profesional e artística das tres compañías, así coma o seu traballo pola dignificación do sector escénico profesional galego, especialmente dentro dos lindes da propia Asociación. 

Ás 20,30h do 5 de febreiro tivo lugar un acto de recoñecemento das tres compañías no Auditorio de Galicia con representantes de moitas das asociadas no que se recoñeceu o labor de todas elas, nun acto organizado pola Xunta Directiva.

Teatro do Atlántico

Fundada en 1985, Teatro do Atlántico leva realizadas 35 producións. A compañía foi Premio da Crítica de Galicia 2016 no apartado de Artes Escénicas acadou ata o momento 69 nominacións e 30 premios de Interpretación, Dirección, Escenografía, Iluminación, Tradución ou Mellor Espectáculo. Recolleu o premio  Aleixandre Lago.

 Teatro do Morcego

Compañía fundada no ano 1989 polo actor e director Celso Parada e Isabel Ávila. Recibiu premios como os Compostela por Misterio cómico e Doberman; María Casares por Lazariño de Tormes, e sendo finalista neste último certame en varias ocasións. No acto rendeuse homenaxe ao falecido Celso Parada e entregóuselle o recoñecemento de socio de honra a título póstumo a súa viúva, Isabel Ávila.

 Teatro do Noroeste

Teatro do Noroeste é unha compañía de teatro profesional galega fundada no 1987. Na súa dilatada traxectoria de máis de 30 anos, ten producido e distribuído unha grande cantidade de espectáculos. Recolleu o premio Luma Gómez.

Saber +

Arrinca a programación do 1º semestre de 2020 na Rede Galega de Teatros e Auditorios

Arrinca a programación do 1º semestre de 2020 na Rede Galega de Teatros e Auditorios

 

O nova tempada da Rede Galega de Teatros e Auditorios vén cargada de espectáculos de teatro, danza, monicreques e novo circo. Nos vindeiros seis meses, os 45 espazos escénicos que compoñen a RGTA programarán 328 actuacións e 18 estreas.

Co comezo do ano, a Rede retoma a súa carteleira nas 40 localidades galegas nas que ten presenza, incluída na nova incorporación en Tomiño, o Auditorio Golán. 

No relativo ás estreas, dende Escena Galega queremos destacar O mel non caduca, da nosa asociada Ibuprofeno Teatro, que chegará por vez primeira ás táboas do Teatro Principal de Santiago o vindeiro 31 de xaneiro, As virxes salvaxes, de Teatro do Noroeste -que fará tamén o propio o 15 de febreiro no Auditorio Municipal de Vilagarcía-, A conquista da escola Madhubai, de Teatro do Atlántico -estrearase o 28 de febreiro no Pazo da Cultura de Narón-, Dreaming Juliet, de Elefante Elegante, -o 20 de marzo no Teatro Rosalía da Coruña- e O mozo da última fila, de Redrum Teatro -que chegará ao Principal de Compostela o 16 de abril-.

O orzamento do circuito para este primeiro periodo de programación anual é de 1 millón de euros.

Pódese revisar a carteleira da rede nas redes sociais de Escena Galega cada mércores.

 

Saber +

Así foi a xuntanza en Tui sobre circulación escénica transfronteiriza Galicia-Norte de Portugal

Así foi a xuntanza en Tui sobre circulación escénica transfronteiriza Galicia-Norte de Portugal

O pasado 16 de outubro Escena Galega organizou o terceiro encontro con axentes da Rexión Norte de Portugal para presentar o bosquexo do proxecto que permitirá artellar un circuíto de circulación escénica transfronteiriza entre Galicia e o Norte de Portugal. 

A actividade concretou as conclusións das dúas anteriores xornadas -a primeira celebrada no marco do Culturgal 2017 e a segunda froito dunha mesa de traballo que tivo lugar en Viana do Castelo en 2018-, centradas na relación coas entidades públicas con competencias en política cultural na rexión.  Celebrouse no Concello de Tui co beneplácito da AGADIC e nela presentouse Camiño Escena Norte como exemplo de proxecto interterritorial xestionado por Escena Galega.

Á xuntanza asistiron Diego V. Meizoso -xerente da asociación- e María Torres (Elefante Elegante) -secretaria de Escena Galega-como representantes da entidade. Estiveron presentes tamén representantes da DRCN, o Eixo Atlántico ou as Câmaras Municipais de Viana do Castelo, Famaliçao, Maia, Póvoa de Varzim, Valença do Minho e os TM do Porto. 

Acordouse a implicación da Direçao Regional de Cultura do Norte de Portugal, que servirá de interlocutor na zona portuguesa.

Saber +

O Consello da Cultura Galega publica o informe sobre a situación das traballadoras do sector audiovisual e escénico impulsado pola AAAG, AGA, Escena Galega e a Mostra de Cangas

O Consello da Cultura Galega publica o informe sobre a situación das traballadoras do sector audiovisual e escénico impulsado pola AAAG, AGA, Escena Galega e a Mostra de Cangas

O informe constata a desigualdade, a discriminación e os desequilibrios salariais no sector, así como tamén a maior incidencia da temporalidade e as dificultades de acceso ao mundo laboral para as mulleres. Ademais, o informe detecta a existencia de casos de acoso laboral e sexual.

As citadas asociacións profesionais do sector fan un chamamento para a reflexión a todas as persoas que traballan no sector cultural, que representa o 3,5% do emprego total en Galicia, pero tamén ás administracións e mais ao público.

Saber +

GALICIA ESCENA PRO CELEBRA A SÚA SÉTIMA EDICION CO TEATRO DE RÚA, DÚAS ESTREAS E MÁIS ‘NETWORKING’ ENTRE AS PRINCIPAIS NOVIDADES

GALICIA ESCENA PRO CELEBRA A SÚA SÉTIMA EDICION CO TEATRO DE RÚA, DÚAS ESTREAS E MÁIS ‘NETWORKING’ ENTRE AS PRINCIPAIS NOVIDADES

O conselleiro de Cultura e Turismo, Román Rodríguez, avanzou este mediodía as principais novidades da sétima edición do mercado Galicia Escena PRO, que terá lugar desde o vindeiro luns 10 ao xoves 13 en diferentes espazos de Santiago de Compostela. Máis de 150 axentes culturais chegados desde diferentes puntos de Galicia e do resto de España daranse cita neste evento, que por vez primeira se leva a cabo baixo a organización compartida entre a Axencia Galega das Industrias Culturais (Agadic) e a asociación empresarial Escena Galega.

Saber +

MÁIS DE 150 PROFESIONAIS INSCRÍBENSE NA SÉTIMA EDICIÓN DO MERCADO GALICIA ESCENA PRO

MÁIS DE 150 PROFESIONAIS INSCRÍBENSE NA SÉTIMA EDICIÓN DO MERCADO GALICIA ESCENA PRO

Máis de 150 axentes culturais de Galicia e do resto de España reuniranse do 10 ao 13 de xuño en Santiago de Compostela para participar na sétima edición de Galicia Escena PRO que, como en anos anteriores, tamén abrirá o seu programa de espectáculos ao público xeral. A Consellería de Cultura e Turismo promove este mercado galego das artes escénicas, que por vez primeira organizan de xeito compartido a Axencia Galega das Industrias Culturais (Agadic) e a asociación profesional Escena Galega.

Saber +

Galicia Escena PRO reforza as posibilidades de intercambio teatral con Madrid, Cantabria e Euskadi

Galicia Escena PRO reforza as posibilidades de intercambio teatral con Madrid, Cantabria e Euskadi

A sétima edición de Galicia Escena PRO inclúe no seu programa tres espectáculos procedentes de Madrid, Cantabria e País Vasco dentro das vías de colaboración abertas tanto con MADferia como co proxecto Camiño Escena Norte. Trátase das propostas de Rotura Producciones, Café de las Artes Teatro e Hortzmuga Teatroa, que compartirán cartel cos 17 espectáculos galegos e os 10 proxectos en formato pitching seleccionados para esta nova entrega do evento que promove a Consellería de Cultura e Turismo, baixo a organización compartida entre a Axencia Galega das Industrias Culturais (Agadic) e a asociación profesional Escena Galega.

Saber +

Ábrese o prazo para a inscrición de espectáculos en Camiño Escena Norte

Ábrese o prazo para a inscrición de espectáculos en Camiño Escena Norte

Ábrese o prazo para a inscrición de espectáculos no Itinerario Constelacións, eixo vertebrador do programa da primeira edición do proxecto Camiño Escena Norte, que promoven as asociacións profesionais Escena Galega (Galicia), EscenaAsturias (Principado de Asturias), Acepace (Cantabria) e Eskena (País Vasco) e que se celebrará nas catro comunidades autónomas, entre o 19 de setembro e o 13 de outubro de 2019.

As persoas e entidades que queiran inscribir o seu espectáculo poden facelo, antes do venres 3 de maio ás 20.00 h., nesta ligazón.

Saber +

Queres formar parte de Escena Galega?

Únete a Escena Galega e goza de todos os beneficios dos nosos asociados.

Ver condicións

Liñas de contacto de Escena Galega

Enderezo

Rúa Castiñeiro, 10 local 9
15894, Os Tilos-Teo
A Coruña

Contacto

+34 647 478 236
info@escenagalega.gal

Síguenos

login