Escena Galega anuncia nova formación de QLAB os vindeiros 3, 4 e 5 de xuño no Salón Teatro de Compostela

Escena Galega volta a ofertar formación ás súas compañías asociadas, desta volta coa proposta Deseño, programación escénica, audiovisual e conectividade QLAB 4/5. A proposta redunda sobre o coñecemento de Qlab, unha ferramenta creada para a programación audiovisual e de iluminación no traballo escénico, permitindo sincronizar todos os elementos sonoros, de imaxe e de iluminación du espectáculo sen saír da contorna Qlab. A formación ofrecese de cara á visión de alumnado que descoñeza a ferramenta, de maneira que está aberta tanto a persoas non iniciadas como iniciadas que queiran reforzar a súa xestión do programa. O docente encargado de conducir a proposta será Efrén Bellostes, de Global Audio Solutions, e a formación realizarase os vindeiros 3, 4 e 5 de xuño en horario de 9:00 a 15:00h nas instalacións do Salón Teatro compostelán.

Temario

AS LUCES EN QLAB

• Configuración de preferencias, DMX, AR-NET e patch.
• Creación de fixtures / definitions.
• Dashboard, uso e mapeado midi.
• Lighting cue: programación e exemplos prácticos con simulador.
• App para Ipad, conexión e utilidades específicas de luces.
• Uso de Qlab con simuladores (Capture)
• Exercicios de programación completa de secuencia de iluminación.

CONTROL E NETWORK EN QLAB

• MIDI cue: Breve explicación do código midi, tipos de mensaxes, utilidades.
• Configuración de preferencias, triggers e hotkeys.
• Exemplos e exercicios prácticos de control de equipos.
• Timecode: programación e usos. Exemplos prácticos.
• Network cue: Breve explicación dos códigos de programación, OSC.
• Configuración de preferencias, conexión vía IP e pascode.
• Utilidades OSC, con exemplos e exercicios prácticos.
• Demostración e exercicios de control entre equipos informáticos.
• Iniciación a Apple script, exemplo de uso.

O VÍDEO EN QLAB 5

• Configuración de preferencias, creación de pantallas, cámara routing e entradas soportadas.
• Configuración de vídeo en QLAB 5.
• Vídeo cue: programación e usos.
• Fade cue: tipos de fade de vídeo, exemplos prácticos.
• Efectos de vídeo en qlab.
• Text cue: programación e exemplos prácticos.
• Camera cue: programación e exercicios prácticos.
• Exercicios de programación completa de secuencia de vídeo.
• Construción entre todo o alumnado dun proxecto completo, como repaso do aprendido durante o curso.
• Solución de problemas habituais ou concretos no directo.

Necesidades do alumnado

As persoas inscritas deberán contar cun ordenador Macintosh con sistema operativo mínimo 10.11 O Capitán, auriculares para funcionar co seu sistema e un lapis de memoria.

A actividade está enfocada a profesionais das artes escénicas, tanto de perfil técnico como artístico ou de xestión, mais trátase dunha formación que require de coñecementos técnicos previos. As compañías asociadas a Escena Galega poderán inscribir ao seu nome a colaboradores/as de perfil técnico se así o desexan, aínda que non formen parte do núcleo estable da compañía.

Inscrición 

O límite máximo é de 15 prazas, por orde de inscrición.

A formación é de balde para entidades socias de Escena Galega. No caso de ficar prazas libres, poderán asistir persoas non asociadas, previo pago dunha matrícula de 90 €. Para inscribirse é necesario enviar un correo a  Este enderezo de correo está a ser protexido dos robots de correo lixo. Precisa activar o JavaScript para velo. co título da formación no asunto e os datos da persoa interesada (nome completo/teléfono/correo-e) ata o xoves 30 de maio ás 23.59 h.

Pode revisarse o dossier da formación íntegro aquí.

Este paquete formación conta coa colaboración da Xunta de Galicia a través da Axencia Galega das Industrias Culturais (Agadic) e o Centro Dramático Galego-Salón Teatro.