![A proposta formativa de Escena Galega retoma a presencialidade cun obradoiro de formación integral en comunicación para as artes escénicas](https://escenagalega.gal/media/zoo/images/FORMACIN_FINANCIAMENTO_PRIVADO_DE_PROXECTOS_ACHEGAMENTO_AO_PATROCINIO_PARA_AS_ARTES_ESCNICAS_1_7a2e12687c59a06f7dbf0480a8f81143.png)
A proposta formativa de Escena Galega retoma a presencialidade cun obradoiro de formación integral en comunicación para as artes escénicas
As dúas sesións que o compoñen serán impartidas por The office e terán lugar no Espazo Off da Cidade da Cultura (Compostela)
Escena Galega continúa co seu paquete formativo anual co obradoiro "Comunicación integral para compañías de artes escénicas: manual de supervivencia", que terá lugar os vindeiros 16 e 17 de xuño no Espazo Off da Cidade da Cultura (Compostela).
Docentes
As encargadas de impartir a formación serán Luisa Castiñeira, Lucía Martínez e Lucía Pita, de The Office Comunicación.
A primeira delas, Luisa Castiñeira, é xornalista e consultora de comunicación especializada en cultura e artes escénicas. Logo de traballar como editora e redactora no diario El Mundo durante cinco anos, nos últimos quince dirixe e desenvolve campañas de comunicación para proxectos e clientes como Festival de Otoño (no que exerce de xefa de prensa nas últimas 12 edicións), ARCOMadrid, MadridFoto, Instituto Cervantes, Fundación Coca-Cola, Madrid en Danza, Escena Contemporánea, MIT Ribadavia, FIOT, Teatros del Canal, Conde Duque Madrid
ou El Pavón Teatro Kamikaze, entre outras iniciativas culturais.
No tanto de Lucía Martínez, é xornalista e consultora de comunicación enfocada na contorna dixital. Tras dez anos de experiencia en
medios como TVE ou a Axencia EFE, especialízase no eido da estratexia dixital, a comunicación en liña e as redes sociais, e comeza a xestionar a mensaxe de marcas, empresas e institucións na rede. Desde 2015 forma parte de The Office como responsable do equipo de comunicación dixital, dirixindo esta parte de proxectos culturais como o Festival de Otoño, Madrid en Danza, FIOT, Camino Escena Norte, Cineuropa, ButacaZero, o Festival Noroeste Estrella Galicia ou Momentos Alhambra Acustiquísimos, entre outros.
A última das docentes, Lucía Pita, é xornalista e consultora de comunicación. Inicia a súa traxectoria en redaccións de ámbito estatal para
despois desenvolver campañas como responsable de medios sociais no ámbito do lecer e da cultura en Galicia. Entre os anos 2015 e 2019 traballa no Gabinete de Prensa do Concello da Coruña e regresa, no verán de 2019, a The Office. Desde entón, forma parte do equipo de prensa de proxectos como FIOT, Fanzine Fest, Festival Noroeste Galicia ou Cineuropa; compañías como Voadora, ButacaZero ou La
Macana; e de grupos como Tanxugueiras, Sés ou Luar Na Lubre.
A proposta
No obradoiro trataranse os aspectos fundamentais e as ferramentas máis útiles para xestionar a comunicación tanto offline como online e optimizar o traballo de difusión das producións e espectáculos. A través de exemplos reais, non só se ofrecerá unha base teórica da relación cos medios e os materiais de comunicación, senón que se ensinará a manexar estes aspectos no día a día.
A formación é de balde para socios/as de Escena Galega. A formación ten 15 prazas dispoñibles e, no caso de quedar prazas libres, poderán asistir persoas non asociadas, previo pago dunha matrícula de 40 €. Para inscribirse é necesario enviar un correo a infoEste enderezo de correo está a ser protexido dos robots de correo lixo. Precisa activar o JavaScript para velo. co título da formación no asunto e os datos da persoa interesada (nome completo/teléfono/correo-e) antes do luns 14 de xuño ás 20h.
Pode revisarse o documento explicativo completo aquí.
Este paquete formación conta coa colaboración da Xunta de Galicia a través da Axencia Galega das Industrias Culturais (Agadic).