Fundada en 1985, Teatro do Atlántico leva realizadas 35 producións, entre as que cabe subliñar:  Casa de bonecas, de Ibsen; A noite das Tríbades, de Olov Enquist; O cerco de Leningrado, de Sanchis Sinisterra; Unha primavera para Aldara, de Teresa Moure; A raíña da beleza de Leenane, de Martin McDonagh; Memoria de Helena e María, de Roberto Salgueiro; A charca inútil, de David Desola; O principio de Arquímedes de J.Miró, ou Helena:Xuízo a unha lurpia, de Miguel del Arco.

Teatro do Atlántico, Premio da Crítica de Galicia 2016 no apartado de Artes Escénicas acadou ata o momento 69 nominacións e 30 premios de Interpretación, Dirección, Escenografía, Iluminación, Tradución ou Mellor Espectáculo.