Nao Caracola é unha nova compañía que nace da man de Marián González, profesional do teatro de títeres dende 1987. Este proxecto nace coa vocación de plasmar o aprendido, o interiorizado ao longo de case corenta anos de profesión e investigación nesta marabillosa arte que é a dos monicreques.

Tras longos anos de formación e traballo con distintas compañías, en 1997 xunto a Luis González fundamos a compañía Títeres Tompicallo tristemente desparecida en 2019.

Agora, despois de máis de dous anos de traballo, Nao Caracola presenta o seu primeiro espectáculo, “Esperta o rinoceronte”.