NegroLópez é un proxecto escénico galego que combina teatro, música e clown nunha linguaxe propia baseada no humor, o absurdo e a crítica social. Formado por Iván Davila e Brais Iriarte, o seu traballo constrúe propostas dinámicas e accesibles que buscan unha conexión directa co público.

A compañía desenvolve espectáculos dirixidos tanto a público familiar como adulto, nos que o xogo escénico, a participación e a contemporaneidade están sempre presentes. As súas creacións abordan a realidade actual desde unha mirada crítica e cómica, explorando novos formatos e códigos escénicos.

A produción "Backstage" foi finalista como Mellor Espectáculo Infantil nos XXVIII Premios de Teatro María Casares.

O proxecto "Game of Fortes" desenvolvido xunto a Limiar Teatro foi premiado no certame "Fondo de Proxectos Culturais Reino de Galicia 2023".