![Escena Galega publica un estudo comparativo do volume de actividade e o impacto da COVID-19 na actividade das compañías produtoras asociadas](https://escenagalega.gal/media/zoo/images/BEN_imaxe_estudo_web_66f3ed6c83cc6c7ebe318d012e55bed8.png)
Escena Galega publica un estudo comparativo do volume de actividade e o impacto da COVID-19 na actividade das compañías produtoras asociadas
O estudo elaborouse a partir dun mostreo de 20 compañías produtoras asociadas de distintas tipoloxías, tamaños, fórmulas xurídicas e empresariais, modelos de produción e tipos de espectáculos distribuídos
Escena Galega, Asociación de Empresas de Artes Escénicas de Galicia, publica un estudo comparativo do volume de actividade e impacto da COVID-19 na actividade das compañías produtoras asociadas entre as anualidades 2019 e 2020.
Notas aclaratorias do estudo
(1) Este estudo comparativo elabórase a partir dun mostreo de 20 compañías produtoras asociadas a Escena Galega, de distintas tipoloxías, tamaños, fórmulas xurídicas e empresariais, modelos de produción e tipo de espectáculos distribuídos.
Número de compañías analizadas: 20 Profesionais autónomos/as: 5 Microempresas: 15 (SL / SLU / SC)
(2) Os datos desglosados e analizados corresponden aos seguintes inputs de información: volume bruto de facturación anual / volume de contratación de persoal artístico / volume de contratación de persoal non artístico / volume de distribución (número de funcións realizadas)
(3) Establécense primeiro 4 desgloses comparativos entre os datos de ambas anualidades, ao final do documento trasládanse eses datos a outras tantas gráficas en formato táboa.
(4) En canto á simboloxía utilizada nos desgloses:
O símbolo (-) significa descenso dos volumes analizados entre 2019 e 2020. O símbolo (+) significa incremento dos volumes analizados entre 2019 e 2020.
Pódese revisar o estudo completo aquí.