Vórtice Escénico é unha compañía teatral que nace en 2022 coas seguintes inquedanzas na súa base: Propomos un teatro que sexa, ante todo, espello da contemporaneidade, que formule as preguntas necesarias para que o público poda dar resposta aos cambios de toda índole que a nosa sociedade está a experimentar de xeito acelerado e, en ocasións, traumático. Buscamos chegar a acadar a universalidade dunha sociedade global a partires da sinxeleza. A fusión de linguaxes e códigos interpretativos é outro aspecto que temos moi presente no noso selo e estilo.