Con 40 anos de actividade ininterrompida, Sarabela, a compañía de teatro de actor máis veterana de Galicia, está en proceso de cambio e de procura artística constante.  

A compañía compaxina as súas producións coa organización e xestión de mostras e festivais para diversos públicos (Miteu, Fito e Moti) e coa docencia (Aula de Teatro Universitaria de Ourense, grupos da terceira idade, campañas de animación á lectura, etc)

Ata aquí chegamos e pode que saibamos por onde queremos ir. Os nosos obxectivos: facer un teatro bo, un teatro vivo, arriscado, contemporáneo, coherente; con rigor, autocrítica, responsabilidade, resistencia… Corrixir constantemente, mellorar para anovarnos.