Esta compañía creada polos actores Victoria Pérez e Manu Fernández, nace do instinto de supervivencia, da necesidade de crear, de regalar unha viaxe aos demais máis alá da súa experiencia cotiá. O poder de Amabel estreada en xaneiro de 2016 é o seu primeiro espectáculo para público familiar co que se funda Pérez&Fernández. A súa segunda peza será a tenrísima e aclamada Aguratrat baseada nunha das últimas publicacións do xenial Roald Dahl. En 2020 estrean Os nenos da varíola, unha adaptación a escena da novela homónima de María Solar.