La Guajira componse de tres artistas de ampla traxectoria profesional e experiencia artística que entrecruzan a danza e a música desde unha perspectiva contemporánea.

Aposta pola experiencia directa co espectador xerando propostas sensibles que emocionen e conecten coa audiencia, con pezas que indagan no humano, o ancestral e o contemporáneo, cun enfoque íntimo, físico e poético. Investigan sobre o corpo como arquivo, a memoria e o territorio. Compaxinan a creación artística coa docencia en diversos centros educativos relacionados coa cultura. La Guajira é a oportunidade de empezar un camiño novo, co sedimento que proporciona a experiencia e á vez coa visión actualizada dos novos tempos.