LaGriot’te xurde en Londres por Sandra Gade e Nazan L. Bamio coma unha homenaxe ás Griots. Persoas encargadas de manter viva na súa memoria a cultura e tradición do pobo ao que pertencen. Un lixeiro esquecemento, e o pobo quedará ferido de por vida ao desprenderse dun anaco que lles pertence. A razón de ser da compañía é a mesma, pero sempre traendo ao presente aquel pasado coa intención de rememorar como fomos para reflexionar quen somos HOXE. As súas obras parten da investigación social, do mundo do xograr e un universo esperpéntico, satírico e grotesco cun forte arraigo na cultura popular.