Teatro de Ningures é unha compañía fortemente implicada no seu territorio, asentada nunha comarca densamente poboada, o Morrazo, sempre participou dos proxectos sociais e políticos da súa contorna.

Activa en canto a levar a cabo proxectos educativos (escola de teatro de Cangas, Universidade de Vigo), artísticos (máis de 30 montaxes teatrais), festivais (Mostra de teatro de Cangas, Mostras Universitarias en Vigo e Pontevedra), que dun xeito ou doutro, responden ás necesidades sociais e culturais da veciñanza.

Teatro de Ningures aspira a prestar un servizo á comunidade, desde a cultura e sen darlle as costas ao que acontece ao noso redor, provocando preguntas e conversas que mesmo poden axudar a procurar solucións, ou a favorecer o debate.