PREMIOS DA CULTURA GALEGA

Onte tivo lugar na Cidade da Cultura a entrega dos Premios da Cultura:

A traxectoria dos premiados, e o seu «desexo de que Galicia estea no mundo», foron resaltados onte polo presidente da Xunta, Alberto Núñez Feijoo, na entrega dos Premios da Cultura.

Destacou a experiencia de Neira Vilas na literatura e da Galería Trinta en arte; a actividade de Cándido Pazó na escena galega desde 1975; o traballo do Grupo Marcelo Macías desde 1941; os 25 anos do Centro Pen Galicia; a organización do Festival de Ortigueira desde 1978; o labor da Asociación de Produtoras Independentes; e a difusión da cultura galega por David Mackenzie, quen desde 1994 é o primeiro catedrático de Estudos Galegos no mundo anglófono.

Neira Vilas dixo en nome dos premiados que Galicia merece que sigan traballando. Tamén se solicitou apoio público para o sector, e preservar o seu carácter propio.

  • Created on .
  • Hits: 1156
© Escena Galega. Todos os dereitos reservados. Deseño: Diego Seixo.