• ASAMBLEA XERAL NO FIOT

    ASAMBLEA XERAL NO FIOT

    Saber +

  • PROXECTO

    PROXECTO "CAMIÑOS DO NORTE"

    Saber +

  • ESCENA GALEGA PRESENTE EN FIRA TÀRREGA

    ESCENA GALEGA PRESENTE EN FIRA TÀRREGA

    Saber +

  • ESCENA GALEGA na Feira de Teatro de Castela e León-Ciudad Rodrigo.

    ESCENA GALEGA na Feira de Teatro de Castela e León-Ciudad Rodrigo.

    Saber +

Escena Galega

ESCENA GALEGA é a asociación de referencia para o sector profesional das artes escénicas en Galicia, creada en marzo de 2002 por  iniciativa de 16 compañías de teatro. Actualmente está formada por 33 compañías e empresas produtoras, como resultado dun proceso de confluencia e cohesión iniciado en 2015 para reforzar o posicionamento da asociación como interlocutora coas institucións e demais axentes do medio e para impulsar o desenvolvemento empresarial de cara á modernización do sector, sen perder a identidade das compañías como motores creativos das artes escénicas galegas.

Somos un colectivo comprometido coa defensa da cultura e da lingua como ben común, disposto a construír un futuro socialmente mellor vertebrado. ESCENA GALEGA trata de aportar ferramentas para mellorar a capacitación profesional das empresas asociadas, provocar a sinerxia con outros axentes do sector, actúar como interlocutora diante das institucións e buscar a conexión con asociacións afins doutros territorios.

ASAMBLEA XERAL NO FIOT

ASAMBLEA XERAL NO FIOT

ESCENA GALEGA CELEBROU A SÚA ASEMBLEA XERAL NO MARCO DO FIOT DE CARBALLO.

O pasado xoves 19 de outubro Escena Galega celebrou a 3ª e derradeira Asemblea Xeral do ano 2017 no marco do FIOT (Festival Internacional de Outono de Carballo).

Á asemblea, celebrada en horario de mañá no salón de actos do Pazo da Cultura, asistiu unha boa representación das compañías asociadas, que posteriormente se atoparon nun xantar compartido.

A xornada pechouse cunha mesa redonda organizada entre o equipo do FIOT e Escena Galega con representantes de 4 festivais teatrais galegos, na que se trataron diversas cuestións que atinxen á relación entre as compañías e a organización dos festivais.

Saber +

PROXECTO

PROXECTO "CAMIÑOS DO NORTE"

ESCENA GALEGA ESTIVO EN BILBAO, CONVIDADA POR ESKENA, PARA CONTINUAR TRABALLANDO NO PROXECTO "CAMIÑOS DO NORTE".

Escena Galega estivo o pasado venres 22 de setembro en Bilbao, convidada por Eskena, para seguir co proceso de traballo para o proxecto "Camiños do Norte".

A xornada desenvolveuse no espazo de produción escénica "Harrobia Eskena", que xestiona a asociación profesional de Euskadi, e nela estiveron presentes tamén os/as representantes das asociacións de compañías de Cantabria (ACEPAE) e Asturias (ACPTA e Foro Escena)

A próxima cita no proceso de traballo será o luns 23 de outubro en La Laboral de Xixón, convidados polas asociacións profesionais asturianas.

Saber +

ESCENA GALEGA PRESENTE EN FIRA TÀRREGA

ESCENA GALEGA PRESENTE EN FIRA TÀRREGA

Escena Galega ven de participar en Fira Tàrrega, unha das feiras de teatro máis importantes de todo o estado, ademais de mercado internacional das artes escénicas.

A Asociación Galega de Empresas de Artes Escénicas estivo presente na Fira con stand propio no espazo profesional, a Llotja, e unha ampla axenda de actividades que incluíu unha presentación oficial o sábado 9, xuntanzas bilaterais con institucións, festivais, compañías e outras asociacións (Merkatua de Navarra, Andalucía Sale, ILLENC, Gobierno de Canarias, Euskal Teatroa-Eusko Jaurlaritza, CulturArts da Comunidade de Valencia, Fira de Manresa...) ou unha degustación de produtos galegos-networking.

A asistencia a Fira Tárrega foi posible en virtude do convenio que Escena Galega ten asinado coa AGADIC.

Saber +

ESCENA GALEGA na Feira de Teatro de Castela e León-Ciudad Rodrigo.

ESCENA GALEGA na Feira de Teatro de Castela e León-Ciudad Rodrigo.

Escena Galega estivo presente nunha das feiras de teatro referentes no noso contexto, arropupando a presenza galega na mesma (todas compañías asociadas): Baobab Teatro presentou como estrea en castelán o seu espectáculo "¡Pum, pum!", Pista Catro // Traspediante o seu espectáculo de danza-circo "Up 2 down" e Santiago Cortegoso, de Ibuprofeno Teatro, recolleu o Premio Especial do Público 2016 por "Raclette".

Alén disto, a asociación mantivo xuntanzas con programadores/as e representantes de institucións culturais e circuítos de distribución de Castela e León, Extremadura, Andalucía, País Vasco e Cataluña, así como como co FITEI do Porto.

Distribuíronse en total 60 catálogos da asociación no Palacio de Montarco, sede dos vermús teatrais e cafés-tertulia, os espazos networking e mercado desta feira.

A asistencia de Escena Galega foi posible en virtude do convenio que a asociación ten asinado coa AGADIC.

Saber +

ESCENA GALEGA REACTIVA O PROXECTO

ESCENA GALEGA REACTIVA O PROXECTO "CAMIÑOS DO NORTE" COAS ASOCIACIÓNS PROFESIONAIS DE ASTURIAS, CANTABRIA E PAÍS VASCO

Escena Galega organizou o pasado xoves 27 de xullo en Santiago de Compostela unha xornada de traballo para continuar desenvolvendo un novo proxecto de rede de distribución e circulación escénica en colaboración coas asociación profesionais de País Vasco (Eskena), Cantabria (ACEPAE) e Asturias (Foro Escena e ACPTA)

Trátase dunha nova proposta que pretende poñer en contacto o traballo das compañías dos distintos territorios e abrir novas vías de distribución e colaboración entre as compañías socias de todas elas.

 A organización desta xornada foi posible en virtude do convenio que Escena Galega ten firmado coa AGADIC.

Saber +

Queres formar parte de Escena Galega?

Únete a Escena Galega e goza de todos os beneficios dos nosos asociados.

Ver condicións

Liñas de contacto de Escena Galega

Enderezo

Centro de Negocios Cadoiro, R/ República Checa 52.
15707, Santiago de Compostela
A Coruña

Contacto

+34 647 478 236
info@escenagalega.gal

Síguenos