FORMACIÓN EN DESEÑO GRÁFICO E EDICIÓN DE AUDIO/VÍDEO PARA AS NOSAS COMPAÑÍAS.

Iñaki Quenerapú impartiu a última acción formativa do ano no programa de Escena Galega.

FORMACIÓN EN DESEÑO GRÁFICO E EDICIÓN DE AUDIO/VÍDEO PARA AS NOSAS COMPAÑÍAS.

O último curso de formación do 2018 dentro do programa formativo de Escena Galega para as súas compañías asociadas consistiu nun obradoiro exprés de deseño de material gráfico e edición de audio e vídeo, enfocado ao traballo e necesidades das empresas de artes escénicas a nivel de comunicación e distribución das súas producións.

A actividade foi impartida polo docente Iñaki Quenerapú e contou con 8 horas de formación intensiva e un xantar de traballo compartido entre docente e alumnado.

Este obradoiro ven de completar as accións formativas deste ano, sendo as dúas anteriores un taller de distribución de produtos escénicos impartido por Nines Carrascal, comisaria de Mercartes, e outro de produción impartido por Toni Tarrida, xefe de produción de Mercat de les Flors.

ESCENA GALEGA NO CULTURGAL 2018.

Como unha das 5 asociacións promotoras do Culturgal, elaboramos un amplo programa de actividade.

ESCENA GALEGA NO CULTURGAL 2018.

Escena Galega tomou parte na 11ª edición do Culturgal, a Feira Galega das Industrias Culturais que impulsamos xunto coas asociacións sectoriais AGAPI, AGEM, EGANET e AGE.

Como xa é habitual nos últimos anos a xornada do venres 30 adicámola ao foro profesional das nosas xornadas, que este ano baixo o título "Unha escena galega para o futuro: na busca de novos modelos e sinerxias para a xestión e creación en artes escénicas", contaron con distintos bloques: un sobre xestión de espazos e proxectos de creación, outros sobre axudas públicas ás artes escénicas e por último unha mesa de debate intersectorial.

Contamos con convidados/as de Portugal, Bilbao, Sabadell e Barcelona, entre outros.

Na xornada do sábado 1 organizamos unha xuntanza de traballo da comisión organizadora do proxecto Camiño Escena Norte, que presentamos tamén no Espazo Foro acompañados/as dos nosos parceiros profesionais en Asturias (EscenAsturias), Cantabria (ACEPAE) e País Vasco (Eskena) O proxecto está na busca de financiamento definitivo e agardamos contar cunha primeira edición en setembro de 2019. Toda a info pódese consultar en www.escenanorte.com

Ademais doutra presentación no stand o domingo pola tarde, Escena Galega contou cun espazo corporativo no recinto feiral, na idea de que o stand da asociación sirva para visibilizar o traballo das súa compañías asociadas. Por segundo ano, contamos co noso photocall de apoio ás artes escénicas profesionais galegas, polo que pasou público xeral, así como persoeiros/as da nosa cultura, representantes políticos e institucionais.

ESCENA GALEGA PRESENTE EN MERCARTES.

A asociación tivo presenza no mercado estatal das artes escénicas grazas ao aopio da AGADIC, e presentou ademais o proxecto "Camiño Escena Norte".

ESCENA GALEGA PRESENTE EN MERCARTES.

Escena Galega estivo presente na edición 2018 de Mercartes, celebrada en Valladolid entre o 7 e o 9 de novembro, cunha representación da Xunta Directiva, a presidenta Belén Pichel e o tesoureiro Anxo Lamelo, ademais do xerente da asociación Diego V. Meizoso.

Trasladáronse á feira ademais representantes das nosas compañías asociadas Eme2, Lucecús Teatro, Contraproducións, Pistacatro e A Panadaría, no maior encontro profesional do sector en España, cun marcado carácter de visibilización e intercambio profesional.

Tanto asociación como compañías traballaron no stand da AGADIC, contando tamén Escena Galega cunha axuda da Axencia para a presenza na feira.

Alén de toda esta actividade, Mercartes acolleu a presentación profesional do proxecto Camiño Escena Norte, que promovemos xunto coas asociacións sectorias EscenAsturias (Asturias), ACEPAE (Cantabria) e Eskena (Euskadi), un novo proxecto de itinerario de intercambio cultural por medio das artes escénicas nos territorios do Camiño de Santiago do Norte, proceso de traballo que naceu en Mercartes 2016 e que se atopa neste momento en busca de financiamento para a posta en marcha dunha primeira edición en setembro de 2019.

ESCENA GALEGA ORGANIZOU EN VIANA O 2º ENCONTRO DE TRABALLO SOBRE CIRCULACIÓN ESCÉNICA GALICIA-NORTE DE PORTUGAL.

Á xornada de traballo asistiron unha vintena de axentes escénicos dos dous territorios.

ESCENA GALEGA ORGANIZOU EN VIANA O 2º ENCONTRO DE TRABALLO SOBRE CIRCULACIÓN ESCÉNICA GALICIA-NORTE DE PORTUGAL.
Organizado por Escena Galega, coa colaboración da Câmara Municipal de Viana do Castelo e o Teatro do Noroeste - CDV e apoio da Agadic e Cultura da Deputación daCoruña, este 2º encontro profesional de traballo sobre circulación escénica transfronteiriza reuniu a axentes escénicos (compañías, programadores/as, institucións, festivais) dos dous territorios para concretar accións específicas para a mobilidade escénica Galicia-Rexión Norte de Portugal.
 
Asistiron por parte de Escena Galega as compañías Elefante EleganteEmedous emoción&arteCaramuxo TeatroLucecús TeatroUrdimeIbuprofeno Teatro e Contraproducións e como representantes das compañías da Rexión Norte de Portugal o Teatro do Noroeste - CDV, Varazim Teatro - Associação CulturalTeatro Art'Imagem e Teatro da Didascália.
 
Tamén como representantes das administracións, programadores/as e festivais estiveron presentes o CDG - Salón Teatro, a MIT Mostra Internacional de Teatro Ribadavia, o Concello de Tui, a Câmara Municipal de Viana do Castelo, Fazer a Festa - Festival Internacional de Teatro, o Festival Internacional de Teatro Cómico da Maia, a Erregueté e a Direção Regional de Cultura do Norte.

ESCENA GALEGA NA FEIRA DE TEATRO DE CASTELA E LEÓN-CIUDAD RODRIGO.

A asociación continúa así coa súa liña de visibilidade en feiras e eventos profesionais.

ESCENA GALEGA NA FEIRA DE TEATRO DE CASTELA E LEÓN-CIUDAD RODRIGO.

Escena Galega estivo presente nun dos eventos profesionais de referencia no noso contexto, a Feira de Teatro de Castela e León-Ciudad Rodrigo.

A compañía asociada "A Panadaría" estreaba na feira a versión en castelán do seu espectáculo "Elisa e Marcela", que obtivo na súa función unha ovación co público en pé que enchía un dos escenarios principais de Ciudad-Rodrigo, o Patio de los Sitios.

Escena Galega tenta con esta liña estratéxica servir de plataforma de visibilidade das súas 34 compañías asociadas nas feiras, eventos e mercados máis importantes, a través do apoio ás compañías presentes neles e tamén coa distribución dos materiais promocionais da asociación, sobre todo a ferramenta fundamental que é o catálogo de compañías actualizado, así como networking cos axentes de referencia (profesionais da distribución, programación, institucións...) presentes nas feiras.

Queres formar parte de Escena Galega?

Únete a Escena Galega e goza de todos os beneficios dos nosos asociados.

Ver condicións

Liñas de contacto de Escena Galega

Enderezo

Rúa Castiñeiro, 10 local 9
15894, Os Tilos-Teo
A Coruña

Contacto

+34 647 478 236
info@escenagalega.gal

Síguenos