Galicia Escena PRO anuncia a selección de espectáculos tanto en formato completo como en formato pitching

Esta edición, que se celebrará en Compostela do 10 ao 13 de xuño, será a primeira coorganizada por Escena Galega e a Agadic

Galicia Escena PRO anuncia a selección de espectáculos tanto en formato completo como en formato pitching

A comisión conformada por Marta Núñez (Adulto), Begoña Llamosas (Infantil / Familiar), Raquel Hernández (Novas linguaxes) e Juan Rodríguez (en representación de Escena Galega) vén de anunciar a selección de espectáculos que participarán en Galicia Escena PRO 2019, tanto en formato completo como en formato pitching. Son as seguintes:

ESPECTÁCULOS EN FORMATO COMPLETO

ADULTO:
 
A compañeira de piso, de  Contraproducións
Bernarda,de Malasombra Producións
Despois das ondas, de ButacaZero - Deputación da Coruña
Dúas donas que bailan, de Teatro do Atlántico
Idiota, de Redrum Teatro
Involución, de Compañía N+1
Liberto, de Amarelas Producións
O empapelado amarelo, de A quinta do cuadrante
 
INFANTIL/FAMILIAR:
 
A toupiña que quería saber quen lle fixera iso na cabeza, de A xanela do maxín
Circopeta, de Odaiko
Mai Mai, de Baobab Teatro
Ummm!!!,  de Avento Producións Teatrais
 
NOVAS LINGUAXES:
 
A gala, de Licenciada Sotelo
As vacacións máis longas, de Diego M. Buceta
Deixa de tocala,Sam, de AveLina Pérez & Velpister
Pink Unicorns, de La Macana
 
TEATRO DE RÚA:
 
OhOlimpiadas!!!, de Compañía Sincronacidas
 
 
PROXECTOS EN FORMATO PITCHING
 
C´est pas possible!, de Marta Iglesias
Clausura do amor, de Cámara Negra Producións
Dreaming Juliet, de Elefante Elegante
Illas desertas, de Artesa Cía.
Lixo, de O baúl da tía Tola
Nun cuarto da rotonda, de Acusmaster Opus
O mel non caduca, de Ibuprofeno Teatro
Os nenos da varíola, de Pérez&Fernández
Todas as marabillas do mundo, de Producións Dispersas
Voa, voa!, de Talía Teatro


Completarán a programación un espectáculo seleccionado da Comunidade de Madrid (MADferia) e dous espectáculos seleccionados entre Cantabria, Asturias e Euskadi (Camiño Escena Norte). Esta selección engadirá á programación de Galicia Escena PRO 2019 un espectáculo de adulto, un de infantil/familiar e outro de novas linguaxes.

ESCENA GALEGA COORGANIZA POR PRIMEIRA VEZ COA AGADIC GALICIA ESCENA PRO

Será a primeira vez na que a asociación estea presenta na organización do mercado galego das artes escénicas.

ESCENA GALEGA COORGANIZA POR PRIMEIRA VEZ COA AGADIC GALICIA ESCENA PRO

Escena Galega considera de interese prioritario para o sector das artes escénicas profesionais en Galicia o mercado Galicia Escena PRO, por iso neste 2019 entra por vez primeira nun proceso compartido de traballo para a coorganización do evento en colaboración coa AGADIC.

Galicia Escena PRO terá lugar en diversos escenarios de Santiago de Compostela, e na actualidade Escena Galega traballa en ideas e propostas para a mellora da área profesional desta feira, nunha proposta de dirección artística compartida por un grupo de profesionais de recoñecido prestixio no sector, así como en diversas ideas para a implementación das necesidades de produción.

INTENSA TEMPADA DE ESTREAS PARA AS COMPAÑÍAS ASOCIADAS A ESCENA GALEGA.

Nos vindeiros días 4 compañías abrirán o pano das súa novas producións.

INTENSA TEMPADA DE ESTREAS PARA AS COMPAÑÍAS ASOCIADAS A ESCENA GALEGA.

En apenas unha semana abrirán o pano 4 novas producións das nosas compañías asociadas, que veñen sumarse ás estreas no pasado mes de xaneiro de VOADORA con "Hemos venido a darlo todo" e Malasombra Producións e a súa "Bernarda".

Este venres 22 e sábado 23 de febreiro no Pazo da Cultura de Narón Talía Teatro estrea o espectáculo "Vida de cans", con texto e dirección de Cándido Pazó e cos actores Toño Casais, Dani Trillo e Artur Trillo no reparto.

Producións Teatrais Excéntricas estará o vindeiro mércores 27 con "Carpe Diem" no Teatro Principal de Santiago. Sobre un texto do brasileiro Rubem Fonseca, a peza parte dunha anécdota moi cinematográfica: "unha muller e un home coñécense nunha previsible festa de fin de ano e comezan unha relación ilícita: os dous son casados con outras persoas. Un caso de adulterio entre persoas da clase alta."

O xoves 28 será a quenda de Contraproducións con  "A compañeira de piso", de Jen Silverman, unha coprodución co Centro Dramático Galego con Belén Pichel e Cándido Pazó na dirección e as actrices Rebeca Montero e Patricia Vázquez no reparto.

E para rematar a semana PistaCatro e o Colectivo Verticalia levarán ás táboas do Teatro Rosalía de Castro de A Coruña o venres 1 de marzo a peza "Alma (non é hippie)", coas creadoras Paula Quintas, Marta Alonso, Raquel Oitavén e Mercè Solé.

FORMACIÓN EN DESEÑO GRÁFICO E EDICIÓN DE AUDIO/VÍDEO PARA AS NOSAS COMPAÑÍAS.

Iñaki Quenerapú impartiu a última acción formativa do ano no programa de Escena Galega.

FORMACIÓN EN DESEÑO GRÁFICO E EDICIÓN DE AUDIO/VÍDEO PARA AS NOSAS COMPAÑÍAS.

O último curso de formación do 2018 dentro do programa formativo de Escena Galega para as súas compañías asociadas consistiu nun obradoiro exprés de deseño de material gráfico e edición de audio e vídeo, enfocado ao traballo e necesidades das empresas de artes escénicas a nivel de comunicación e distribución das súas producións.

A actividade foi impartida polo docente Iñaki Quenerapú e contou con 8 horas de formación intensiva e un xantar de traballo compartido entre docente e alumnado.

Este obradoiro ven de completar as accións formativas deste ano, sendo as dúas anteriores un taller de distribución de produtos escénicos impartido por Nines Carrascal, comisaria de Mercartes, e outro de produción impartido por Toni Tarrida, xefe de produción de Mercat de les Flors.

Queres formar parte de Escena Galega?

Únete a Escena Galega e goza de todos os beneficios dos nosos asociados.

Ver condicións

Liñas de contacto de Escena Galega

Enderezo

Rúa Castiñeiro, 10 local 9
15894, Os Tilos-Teo
A Coruña

Contacto

+34 647 478 236
info@escenagalega.gal

Síguenos